Dövlət Ekoloji Təhlükəsizlik Xidmətinin (DETX) əməkdaşları tərəfindən nəzarət tədbirləri həyata keçirilib.
Cenublu.az xəbər verir ki, keçirilən tədbirlər nəticəsində Lənkəran rayonunun Bala Şürük kəndinin inzibati ərazisindən həmin kənd sakini Əkbər Nəhmətov, Yuxarı Nüvədi kəndinin inzibati ərazisindən Masallı rayonunun Kosakül kənd sakini Cavid Cəfərov, Lənkərançay çayının Lənkəran rayonunun Lüvəsər kəndinin inzibati ərazisindən keçən hissəsində həmin kənd sakini Amid Nəsirli tərəfindən çınqıl-qum qarışığının qanunsuz götürüldüyü müəyyən edilib.
Faktlarla bağlı adıçəkilən şəxslər barəsində protokol tərtib olunub və qanunamüvafiq qaydada inzibati məsuliyyətə cəlb ediliblər.
