Son yağıntılar Cənubda potensial sürüşmə sahələrində nisbətən aktivləşmə hallarına səbəb olub. Bu haqda məlumatı Cenublu.az bu gün, 13 sentyabr tarixində Report-a istinadən verir.
Məlumata görə, sürüşmə atmosfer çöküntülərinin həcminin artması ilə əlaqədardır.
Geoloji Kəşfiyyat Agentliyinin idarə heyətinin sədri Əli Əliyev qeyd edib ki, Lerik rayonu ərazisində, xüsusən Veri Əliabad və Lərmərud kəndlərində və həmçinin Lənkəran-Lerik avtomobil yolunun potensial sürüşmə sahələrində aktivləşmə müşahidə olunur. Belə ki, yağışların artması o zonalarda sürüşmə prosesini sürətləndirib.
“Hələlik isə ciddi bir proses izlənilmir və ərazilərdə davamlı monitorinqlər həyata keçirilir”, – deyə sədr bildirib.
