Lənkəran, Masallı və Cəlilabad şəhərlərində "Məktəblinin dostu" layihəsinin icrasına başlanılıb. Bu haqda məlumatı Cenublu.az bu gün, 19 dekabr tarixində verir.
Proyekt V.Əliyev adına Lənkəran şəhər 4 nömrəli və 10 nömrəli, Masallı şəhər 1 nömrəli və 3 nömrəli, akademik Zərifə Əliyeva adına Cəlilabad şəhər 7 nömrəli tam orta məktəblərini əhatə edir.
Layihənin proqramına breyn-rinq, bilik yarışları, futbol çempionatı və ekskursiyalar daxildir. Həmçinin tədris ili ərzində şagirdlərə "Mühafizə və təhlükəsizlik qaydaları", “Uğurlu peşə seçimi”, "Məktəblinin sağlam qidası", “Fövqəladə hallar zamanı davranış qaydaları”, “Zərərli vərdişlərə son”, “Tütündən istifadənin zərərləri”, “İlk yardım və ilkin psixoloji yardım”, “Narkomaniya ilə mübarizə”, “İnsan hüquqları”, “Sosial şəbəkələrdən faydalı istifadə”, “Məqsədli karyera” və digər mövzularda təlimlər keçirilir.
Qeyd edək ki, Elm və Təhsil Nazirliyinin "Məktəblinin dostu" layihəsi 2016-cı ildən fəaliyyət göstərir.
