Prezident İlham Əliyev cənub zonasında modul tipli məktəblərin quraşdırılması ilə bağlı Sərəncam imzalayıb. Bu haqda məlumatı Cenublu.az bu gün, 19 sentyabr tarixində verir.
Belə ki, Sərəncama əsasən:
- Masallı rayonunun Sarıcəfərli kəndində 96 şagirdlik modul tipli ümumi orta məktəbin quraşdırılmasına 386 min;
- Yardımlı rayon Cirimbel kəndində 80 şagirdlik modul tipli tam orta məktəbin quraşdırılmasına 356 min;
- Cəlilabad rayonunun Moranlı kəndində 96 şagirdlik modul tipli ümumi orta məktəbin quraşdırılmasına 382 min;
- Cəlilabad rayonunun Sarxanlı kəndində 96 şagirdlik modul tipli ümumi orta məktəbin quraşdırılmasına 382 min;
- Cəlilabad rayonunun Əsədli kəndində 96 şagirdlik modul tipli tam orta məktəbin quraşdırılmasına 386 min;
- Lerik rayonunun Osyodərə kəndində 20 şagirdlik modul tipli ibtidai məktəbin quraşdırılmasına 210 min;
- Lerik rayonunun Buruq kəndində 40 şagirdlik modul tipli ümumi orta məktəbin quraşdırılmasına 256 min manat vəsait ayrılıb.
