Bu gün Vətən müharibəsi şəhidlərimiz – Vüsal Əliyev və Mürtaza Qasımovun ad günüdür.
Vüsal Məhəmmədəli oğlu Əliyev 1991-ci il oktyabrın 2-də Cəlilabad rayonunun Komanlı kəndində anadan olub.
Azərbaycan Ordusunun Sərhəd Qoşunlarının giziri olan Vüsal Vətən müharibəsi zamanı Füzulinin azadlığı uğrunda gedən döyüşlərdə savaşıb. Vüsal Əliyev 2020-ci il oktyabrın 15-də Füzuli döyüşləri zamanı şəhid olub.
Ölümündən sonra "Vətən uğrunda", "Füzulinin azad olunmasına görə", “Xocavəndin azad olunmasına görə” medalları və 3-cü dərəcəli "Vətənə xidmətə görə" ordeni ilə təltif edilib.
Mürtaza Elman oğlu Qasımov 2001-ci il oktyabrın 2-də Cəlilabad rayonunun Gülməmmədli kəndində anadan olub.
O, 2019-cu ilin oktyabr ayından Sərhəd Qoşunlarının müddətli həqiqi hərbi xidmət hərbi qulluqçusu idi.
Mürtaza Vətən müharibəsi zamanı Cəbrayılın və Zəngilanın azadlığı uğrunda gedən döyüşlərdə şücaət göstərib. O, 2020-ci il noyabrın 8-də Zəngilan rayonu istiqamətində döyüş tapşırığının yerinə yetirilməsi zamanı şəhid olub.
Ölümündən sonra "Vətən uğrunda", "İgidliyə görə", "Zəngilanın azad olunmasına görə", “Cəbrayılın azad olunmasına görə” medalları ilə təltif edilib.
