Cəlilabaddan olan şəhid Rəfail İşiyevin yaşadığı binada barelyefinin açılış mərasimi baş tutub. Bu haqda məlumatı Cenublu.az bu gün, 2 noyabr tarixində verir.
Tədbirdə rayon İcra Hakimiyyətinin başçısı Rafiq Cəlilov, aparatın məsul şəxsləri, hüquq-mühafizə orqanları, rayon ictimaiyyətinin nümayəndələri və şəhidin ailə üzvləri iştirak ediblər. Burada şəhidin həyatından və döyüş yolundan danışılıb.
Rəfail İşiyev ölümündən sonra “Vətən uğrunda”, "Şuşanın azad olunmasına görə", "Xocavəndin azad olunmasına görə", “İgidliyə görə”, "Füzulinin azad olunmasına görə" və "Cəbrayılın azad olunmasına görə" medalları ilə təltif edilib.
