Bu gün Vətən müharibəsi şəhidi Elvin Elçin oğlu Bayramovun doğum günüdür.
Elvin Bayramov 1998-ci ildə yanvarın 22-si Cəlilabad rayonunun Adnalı kəndində anadan olub.
O, 2015-ci ildə S.Səfərov adına Adnalı kənd tam orta məktəbi bitirib. Daha sonra Lənkəran Dövlət Universitetində ali təhsil alıb.
2020-ci ildə hərbi xidmətə çağırılıb. Vətən müharibəsi zamanı Füzulinin azad olunması uğrunda gedən döyüşlərdə savaşıb. 2020-ci il oktyabrın 29-da Füzuli rayonu Seyidəhmədli kəndi istiqamətdində şəhid olub. Cəlilabadda dəfn edilib.
E.Bayramov ölümündən sonra “Vətən uğrunda”, “Füzulinin azad olunmasına görə”, “Xocavəndin azad olunmasına görə” medalları ilə təltif edilib.
