Bu gün Cəlilabaddan olan Vətən müharibəsi şəhidi Araz Cəfərovun dünyaya göz açdığı gündür.
Araz Cəfərov 1993-ü ildə yanvarın 28-i Cəlilabad rayonunun Qarazəncir kəndində anadan olub.
O, 27 sentyabr 2020-ci ildən başlayan Vətən müharibəsində iştirak edib. Laçın uğrunda gedən döyüşlərdə şəhidlik zirvəsinə ucalıb. Müharibə bitəndən sonra axtarışlar nəticəsində şəhid Araz Cəfərovun nəşi tapılıb və 2 dekabrda doğulduğu Qarazəncir kəndində dəfn olunub.
Ölümündən sonra "Vətən uğrunda", "Laçının azad olunmasına görə", “Cəbrayılın azad olunmasına görə” və “Qubadlının azad olunmasına görə” medalları və “Vətənə xidmətə görə” ordeni ilə təltif edilib.
