Cəlilabad rayonunun Zərbəli kənd sakinlərinin bir qismi artıq 3 ildir ki, onlar üçün nəzərdə tutulan subsidiyanı ala bilmirər. Bu haqda məlumatı Cenublu.az bu gün, 4 mart tarixində verir.
1997-ci ildə torpaq islahatı keçiriləndə aldıqları pay torpağa 3 ilə qədər subsidiya alan sakinləri bu hal narahat edir.
Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri Publik Hüquqi şəxsin 8 saylı Cəlilabad ərazi idarəsindən bildiriblər ki, rayonda torpaq islahatı 81 kənddə ləğv edilib. Mülkiyyət hüququnu təsdiq edən sənəd də qüvvədən düşüb.
Cəlilabad rayon Aqrar İnkişaf Mərkəzindən isə bildiriblər ki, subsidiyaların verilməsində heç bir məhdudiyyət yoxdur, yeni sənədləşməyə görə, əkin növlərini bəyan edə bilməyənlər bundan məhrumdurlar.
Mübariz Nadirov, bitkiçilik üzrə sektor müdiri: “Orada mərhələli şəkildə subsidiyaları ilk dəfə çıxarışa çevirən vətəndaşlar o subsidiya işləri ilə bəhrələnirlər. Hal-hazırda sənədi kim çıxarışa çevirirsə, həmin vətəndaşın subsidiya ödənişi həyata keçirilir”.
