Cəlilabad rayonunun Sabirabad kəndində şəhid Musa Əsgərovun adını daşıyan küçənin açılışı olub. Bu haqda məlumatı Cenublu.az bu gün, 2 noyabr tarixində verir.
Küçənin açılış mərasimində Cəlilabad Rayon İcra Hakimiyyətinin başçısı Rafiq Cəlilov, aparatın məsul şəxsləri, hüquq-mühafizə orqanlarının rəhbərləri və şəhidin ailə üzvləri iştirak ediblər.
Musa Əsgərov 17 fevral 1997-ci ildə Cəlilabad rayonunun Sabirabad kəndində anadan olub. Vətən müharibəsi zamanı Murovdağ döyüşlərində, həmçinin Cəbrayılın azadlığı uğrunda gedən döyüşlərdə savaşıb. Musa Əsgərov 28 sentyabr Cəbrayıl rayonu Cəfərabad kəndində kəşfiyyatda olarkən düşmən tərəfindən pusquya salınaraq şəhid olub.
Ölümündən sonra "Vətən uğrunda", "İgidliyə görə", "Kəlbəcərin azad olunmasına görə", "Cəbrayılın azad olunmasına görə" medalları və "Azərbaycan Bayrağı" ordeni ilə təltif edilib.
