Cəlilabad rayonunda yeni məktəblərin açılış mərasimləri keçirilib. Bu haqda məlumatı Cenublu.az bu gün, 15 sentyabr tarixində verir.
Açılış mərasimində rayon İcra Hakimiyyətinin başçısı Rafiq Cəlilov, Lənkəran-Astara Regional Təhsil İdarəsinin müdiri Elxan Nəcəfov, RİH-nin məsul şəxsləri, məktəblilər, məktəbin pedaqoji kollektivi və ictimaiyyət nümayəndələri iştirak ediblər.
Belə ki, rayonda Heydər Əliyev Fondu tərəfindən “Yeniləşən Azərbaycana yeni məktəb” layihəsi çərçivəsində inşa edilmiş 360 şagird yerlik Sərhədabad kənd tam orta məktəbinin, Elm və Təhsil Nazirliyi tərəfindən inşa edilmiş 96 şagird yerlik Əsədli kənd tam orta, 96 şagird yerlik Sarxanlı kənd ümumi orta, 96 şagird yerlik Moranlı kənd ümumi orta, 80 şagird yerlik Həsənli kənd ümumi orta və 80 şagird yerlik Vənlik kənd ümumi orta məktəblərinin modul tipli binaları istifadəyə verilib.
