Cəlilabad rayon Mərkəzi Kitabxanasında şairə Esmira Günəşin "Uğur yolu" jurnalının təqdimatı baş tutub. Bu haqda məlumatı Cenublu.az bu gün, 3 oktyabr tarixində verir.
Tədbirdə şəhid ailələri, qazilər, Cəlilabad rayon İcra Hakimiyyətinin əməkdaşı Günay İbadova, Prezident təqaüdçüləri – yazıçı Meyxoş Abdullah, şair Gülbala Teymur, Azərbaycan Yazıçılar Birliyinin üzvü şairə Ruhiyyə Abbaszadə, Əməkdar mədəniyyət işçisi Cahangir Muradov, Cəlilabad rayon "Günərzi qayğı mərkəzi"nin rəhbəri Fatimə Cabbarova, rayon ziyalıları və Rəşad Abdullayev adına şəhər 2 saylı tam orta məktəbinin şagirdləri iştirak ediblər.
Tədbirdə şairə jurnal haqqında iştirakçılara məlumat verib və onlara 44 günlük Vətən müharibəsindəki tarixi Zəfərdən, şəhid və qazilərin döyüş yolundan bəhs edib.
Sonda Rəşad Abdullayev adına şəhər 2 saylı tam orta məktəbi şagirdlərinin, kitabxananın məktəbli oxucularının, Cəlilabad rayon “Günərzi qayğı mərkəzi”nin uşaqlarının ifasında kompozisiyalar təqdim olunub.
