Cəlilabadda sahibsiz itlərin hücumu sakinlər arasında narazılıq yaradıb.
Teleqraf.аz xəbər verir ki, rayon ərazisində sürü halında gəzən itlərə qarşı tədbir görülməməsi insanların təhlükəsizliyini təhdid edir.
Belə ki, şəhərin Mehdi Hüseyn küçəsi, 16 ünvanında məktəbdən qayıdan şagirdə itlər hücum edib. Ətrafdakı sakinlərin vaxtında müdaxiləsi nəticəsində azyaşlı xəsarət almadan xilas olunub.
Ötən gün isə küçədə itlərin görüntülərini çəkən sakin Zəka Quliyev onların hücumuna məruz qalıb.
Valideynlər övladlarının təhlükəsizliyindən ciddi narahatdır və məsələ ilə bağlı aidiyyəti qurumlardan tədbir görülməsini tələb edirlər.
