Cəlilabadda qız qaçırmaqda təqsirləndirilən Zamir Həsənov və onun dayısı oğlu Samir Qafarovun (adlar şərtidir) cinayət işi üzrə məhkəmə istintaqı başa çatıb. Bu haqda məlumatı Cenublu.az bu gün, 22 noyabr tarixində Oxu.az-a istinadən verir.
Lənkəran Ağır Cinayətlər Məhkəməsində hakim Oruc Cəlilovun sədrliyi ilə keçirilən prosesdə hökm oxunub.
Məhkəmənin hökmü ilə hər iki şəxsə 10 il müddətinə azadlıqdan məhrumetmə cəzası təyin edilib.
Qeyd edək ki, hadisə 20 aprel 2023-cü il tarixində Cəlilabad şəhəri ərazisində baş verib. Belə ki, Zamir Həsənov evlənmək məqsədilə dayısı oğlu Samir Qafarovla birgə 2005-ci il təvəllüdlü Məleykə Məmmədovanı (şərti) qaçırıb. Onlar qızı onun yaşadığı ev istiqamətində piyada hərəkətdə olan zaman Samirin idarə etdiyi “VAZ-2107” markalı avtomobilə zorla mindirərək aparıblar.
Daha sonra hər iki şəxs saxlanılaraq cinayət məsuliyyətinə cəlb edilib.
