Cəlilabad rayonunun Qarazəncir kəndi ərazisində 38 yaşlı Şamo Əzimovun öldürülməsi faktına görə rayon prokurorluğunda başlanmış cinayət işinin istintaqı yekunlaşıb. Bu haqda məlumatı Cenublu.az bu gün, 11 sentyabr tarixində verir.
Cəlilabad Rayon Prokurorluğundan verilən məlumata görə, 32 yaşlı Rəşad Aslanovun aralarında yaranmış mübahisə zamanı həmkəndlisi Şamo Əzimova bıçaqla çoxsaylı xəsarətlər yetirərək onu qəsdən öldürməsinə əsaslı şübhələr yaranıb.
Təqsirləndirilən Rəşad Aslanova Cinayət Məcəlləsinin 120.2.4-cü (xüsusi amansızlıqla qəsdən adam öldürmə) maddəsi ilə ittiham elan edilib və barəsində məhkəmənin qərarı əsasında həbs qətimkan tədbiri seçilib.
Qeyd edək ki, cinayət işi baxılması üçün Lənkəran Ağır Cinayətlər Məhkəməsinə göndərilib.
