Cəlilabadda adam oğurluğunda təqsirləndirilən Mahir Qarayev və onun əmisi oğlu Sənan Qarayevin (ad-soyadlar şərtidir) cinayət işi üzrə məhkəmə istintaqı yekunlaşıb. Bu haqda məlumatı Cenublu.az bu gün, 23 avqust tarixində Pravda.az-a istinadən verir.
Lənkəran Ağır Cinayətlər Məhkəməsinin hökmü ilə M.Qarayev 10 il, S.Qarayev isə 9 il 6 ay müddətinə azadlıqdan məhrum ediliblər.
Qeyd edək ki, hadisə 3 iyul 2021-ci il tarixində Cəlilabad rayonunun Sabirabad kəndində baş verib. Mahir əmisi oğlu Sənanla birlikdə həmkəndlisi, zərərçəkmiş Zəminə Hacıyevanı (şərti) evlənmək məqsədilə oğurlamaq qərarına gəlib. Onlar Zəminənı qaçırdıqdan sonra Cəlilabad rayonunun Günəşli kəndində yerləşən əmilərinə məxsus yaşayış olmayan evin həyətinə gətiriblər. Hadisədən sonra Mahir və Sənan polis əməkdaşları tərəfindən saxlanılıblar.
Qeyd edək ki, Zəminə Hacıyeva qaçırılan zaman nişanlı olub.
