Cəlilabad rayonunun Buravar kəndi ərazisində yerləşən, yeni aşkar edilərək abidə kimi qeydə alınan, dekorativ-tətbiqi sənət nümunəsi olan daş heykələ (erkək camış – kəl) naməlum şəxslər tərəfindən müdaxilə olunub.
Cenublu.az xəbər verir ki, heykəlin bəzi hissələri sındırılaraq ona zərər vurulub.
Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin Salyan Regional İdarəsinin Cəlilabad rayonu üzrə əməkdaşları monitorinq zamanı heykələ müdaxilə faktını müəyyən ediblər.
Hadisə ilə bağlı hüquq-mühafizə orqanlarına müraciət olunub.
