Cəlilabad rayonunda Heydər Əliyevin 100 illik yubileyinə həsr olunmuş ağacəkmə aksiyası baş tutub. Bu haqda məlumatı Cenublu.az bu gün, 2 dekabr tarixində verir.
Aksiya Cəlilabad - Yardımlı avtomobil yolunun Şiləvəngə və Abışabad kəndlərindən keçən 3 km-lik hissəsində təşkil edilib. Burada icra başçısı Rafiq Cəlilov, Ekologiya və təbii sərvətlər nazirinin müavini Vüqar Kərimov, aparat əməkdaşları, hüquq-mühafizə orqanlarının rəhbərləri, idarə-təşkilat əməkdaşları, ictimaiyyət nümayəndələri və rayon sakinləri iştirak ediblər.
Belə ki, aksiya çərçivəsində 2000 ədəd ağac əkilib və ağaclara lazımi aqrotexniki qulluq göstərilib.
Qeyd edək ki, tədbir Cəlilabad Rayon İcra Hakimiyyətinin və Ekologiya və Təbii Sərvətlər Nazirliyinin birgə təşkilatçılığı ilə həyata keçirilib.
