Cəlilabad şəhəri, Qurtuluş prospekti 96 ünvanında yerləşən, fiziki şəxs Qəhrəmanov Rasif Təyyar oğluna məxsus çayxanada Qida Təhlükəsizliyi Agentliyinin əməkdaşları tərəfindən yoxlama aparılıb.
Cenublu.az xəbər verir ki, yoxlama zamanı obyektin sanitar-gigiyenik tələblərə cavab vermədən fəaliyyət göstərdiyi müəyyən edilib. Belə ki, qida məhsulları ilə təmasda olan səthlərin yuyulabilən və korroziyaya davamlı materialla üzlənmədiyi, havalandırma sisteminin quraşdırılmadığı və digər normativ hüquqi aktların tələblərinin pozulduğu aşkarlanıb.
Aşkar edilən nöqsanlara görə çayxananın fəaliyyəti pozuntular aradan qaldırılanadək məhdudlaşdırılıb, sahibkar barəsində isə inzibati protokol tərtib edilib.
