Cəlilabad rayonunda cari mövsüm üçün taxıl əkini yekunlaşıb.
Bu barədə Report.az Cəlilabad Dövlət Aqrar İnkişaf Mərkəzinə istinadən məlumat verilib.
Rayon üzrə bu ilin məhsulu üçün 60 min 430 hektarda taxıl əkilib. Bunun 46 min 980 hektarını arpa, 13 min 450 hektarını buğda təşkil edir.
Qeyd edək ki, ötən əkin mövsümündə rayon ərazisində 66 min 375 hektar sahədə taxıl bitkiləri becərilib və 209 min 124 ton məhsul əldə olunub.
