Cəlilabad rayonunda bacısı Lətifəni öldürən 40 yaşlı Kazıma (adlar şərtidir) hökm oxunub. Bu haqda məlumatı Cenublu.az bu gün, 18 noyabr tarixində Milli.az-a istinadən verir.
Cinayət işinə Lənkəran Ağır Cinayətlər Məhkəməsində baxılıb. Məhkəmənin hökmü ilə Kazım 12 il müddətinə azadlıqdan məhrum edilib. Onun cəzasını ciddi rejimli cəzaçəkmə müəssisəsində çəkəcəyi müəyyən edilib.
Qeyd edək ki, hadisə ötən ilin noyabr ayında baş verib. Kazım bacısı Lətifəni evə yad kişi gətirdiyinə, qeyri-rəsmi münasibətdə olduğu insandan uşaq dünyaya gətirdiyinə və atasından qalan torpaqdan pay istədiyinə görə qətlə yetirib. Məhkəmədə o, əməlindən peşman olmadığını bildirib.
