Cəlilabad Olimpiya İdman Kompleksinin həyətində ağacəkmə aksiyası təşkil olunub. Bu haqda bu gün, 3 mart tarixində Cenublu.az Cəlilabad RİH-yə istinadən xəbər verir.
Ümummilli lider Heydər Əliyevin 100 illik yubileyi münasibətilə rayon Gənclər və İdman İdarəsinin əməkdaşları, Uşaq-Gənclər İdman Məktəbinin məşqçi-müəllimləri və Cəlilabad OİK-nın əməkdaşları 100 ağac əkiblər.
Aksiyanın keçirilməsində əsas məqsəd ölkədə ekologiyanın qorunması və ətraf mühitin sağlamlaşdırılmasına hər zaman böyük əhəmiyyət vermiş ulu öndər Heydər Əliyevin əziz xatirəsini yad etmək, ümummilli liderin yaşıllaşdırma ənənələri irsini davam etdirmək, insanlar arasında ekoloji mədəniyyəti, təbiətə olan qayğı hissini təbliğ etməkdən ibarət olub.
