Cəlilabad şəhərində 17 yaşlı qızı qaçıran şəxslərin məhkəmə istintaqı yekunlaşıb. Bu haqda məlumatı Cenublu.az bu gün, 15 noyabr tarixində Qafqazinfo.az-a istinadən verir.
Belə ki, hakim Oruc Cəlilovun sədrliyi ilə keçirilən prosesdə Cəlilabad şəhər sakini, 30 yaşlı A.S. və dayısı oğlu, 29 yaşlı H.M. Cinayət Məcəlləsinin 144.3-cü (yetkinlik yaşına çatmayan şəxsi oğurlama) maddəsi ilə təqsirləndirilib.
Məlumata görə, iki şəxs əvvəlcədən plan qurarkən H.M.-in atasına məxsus “VAZ” markalı avtomobillə A.S.-nin qonşuluğunda yaşayan 17 yaşlı qızı izləyiblər. Qız dərsdən çıxan zaman onu zorla avtomobilə əyləşdirib və A.S. evlənməsi məqsədilə onu dayısının evinə aparıblar.
Bir qədər sonra oraya polislər gəlib və qızı ailəsinə qaytarıblar. A.S. isə 3 gün ərzində çayın kənarında gizlənib, lakin sonradan polisə təslim olub.
Nəticədə Lənkəran Ağır Cinayətlər Məhkəməsinin hökmü ilə A.S.-yə 10 il 6 ay, H.M.-ə isə 10 il həbs cəzası verilib.
