Cəlilabad Rayon Polis Şöbəsinin əməkdaşları 27 Sentyabr - Anım Günü ilə əlaqədar şəhid ailələrini ziyarət ediblər. Bu haqda məlumat Cenublu.az-a Daxili İşlər Nazirliyindən verilib.
Belə ki, Vətən müharibəsində şəhid olmuş dörd hərbi qulluqçu - Fərid Hüseynov, Mirsəfa Mirəşrəfbəyli, Elnur Bağırov və Ayaz Abasovun ailələri ziyarət edilib və onlara ərzaq yardımı təqdim edilib.
Şəhid hərbi qulluqçuların valideynləri övladlarının Vətən torpağı uğrunda qəhrəmancasına vuruşaraq, igidlik və mərdlik nümunəsi göstərərək ən uca zirvə olan şəhidlik zirvəsinə ucalmasından qürur duyduqlarını bildiriblər, göstərilən diqqət və qayğıya görə ölkə və DİN rəhbərliyinə minnətdarlıqlarını ifadə ediblər.
Qeyd edək ki, DİN-in Daxili Qoşunlarında xidmət etmiş şəhid hərbi qulluqçular Vətən müharibəsi başlayandan döyüşlərə qatılıb, ordumuzun həyata keçirdiyi əks-hücum əməliyyatlarında müxtəlif istiqamətlərdə igidlik göstərərək şəhidlik zirvəsinə yüksəliblər.
[caption id="attachment_25436" align="alignnone" width="336"]
DİN[/caption]
