Vətən müharibəsi şəhidi Camal Mehman oğlu Əliyevin ikinci ildönümü ilə əlaqədar ehsan veriləcək. Bu haqda məlumatı Cenublu.az bu gün, 12 oktyabr tarixində verir.
Məclis Cəlilabad şəhərində, Cavadxan küçəsində, şəhidimizin yaşadığı evdə 13 oktyabr tarixində baş tutacaq.
Qeyd edək ki, Camal Əliyev 17 dekabr 2000-ci ildə Cəlilabadda anadan olub. Vətən müharibəsi zamanı Cəbrayılın və Füzulinin azadlığı uğrunda gedən döyüşlərdə savaşıb. 14 oktyabr 2020-ci ildə Füzuli döyüşləri zamanı şəhid olub.
Ölümündən sonra “Vətən uğrunda”, “Cəbrayılın azad olunmasına görə” və “Xocavəndin azad olunmasına görə” medalları ilə təltif olunub.
