Cəlilabad Rayon Polis Şöbəsinin təşkilatçılığı ilə şəhər 7 nömrəli tam orta məktəbdə “Narkomaniya əsrin bəlasıdır” mövzusunda məktəblilərlə görüş keçirilib. Bu haqda məlumat Daxili İşlər Nazirliyinin Mətbuat Xidmətinin Lənkəran regional qrupundan Cenublu.az-a bu gün, 5 oktyabr tarixində verilib.
Tədbirdə çıxış edən Cəlilabad RPŞ-nin rəisi, polis polkovniki Polad Qarayev bildirib ki, polis əməkdaşları bu gün narkotiklərin qanunsuz dövriyyəsinə və narkomanlığa qarşı müasir və effektiv mübarizə üsullarından istifadə olunmaqla genişmiqyaslı əməliyyat-axtarış və əməliyyat-istintaq tədbirləri həyata keçirməklə yanaşı, vaxtaşırı olaraq yeniyetmə və gənclərlə maarifləndirici görüşlər keçirir. Bu cür maarifləndirici tədbirlərin məqsədi gənclərin işıqlı və sağlam gələcəyə hazırlanması, onların düzgün istiqamətləndirilməsidir.
Sonra mövzu ətrafında çıxışlar dinlənilib, narkomaniyanın zərərli təsirlərindən bəhs edən videoçarx izlənilib və məktəbliləri maraqlandıran suallar cavablandırılıb.
[caption id="attachment_25937" align="alignnone" width="336"]
DİN[/caption]
