Cəlilabad Rayon Mərkəzi Xəstəxanasında ilk dəfə akromioplastika əməliyyatı icra olunub.
Report.az xəbər verir ki, sol çiyin nahiyəsində ağrı şikayətləri ilə tibb müəssisəsinə müraciət edən 61 yaşlı qadın xəstəyə müayinə nəticəsində sol tərəfli rotator manjet yırtığı diaqnozu qoyularaq rotator manjetin Anchor saplar ilə təmiri əməliyyatının icrasına qərar verilib.
Əməliyyatın icrası, Cəlilabad Rayon Mərkəzi Xəstəxanasının təcrübəli travmatoloq-ortoped həkimi Elnur Aslanov tərəfindən uğurla həyata keçirilib. Əməliyyatdan bir gün sonra pasiyent ambulator müalicə üçün evə yazılıb.
Qeyd edək ki, akromioplastika əməliyyatı icbari tibbi sığortanın Xidmətlər Zərfi çərçivəsində həyata keçirilir.
