Azərbaycanda martın 1-dən Ramazan ayı başlayır. Bununla əlaqədar Qafqaz Müsəlmanları İdarəsinin (QMİ) rəsmi fətvası yayılıb.
Hər il Ramazan bayramı günü müsəlmanlar fitrə zəkatı verir.
Qeyd edək ki, ötən il Qazilər Şurasının Fətvasına görə, adambaşına 10-15 manat fitrə zəkatının verilməsi tövsiyə olunub. Bu il də fitrə zəkatının məbləğinin nə qədər olacağı maraq doğurur.
Məsələ ilə bağlı Modern.аz-a açıqlamasında QMİ sədrinin müavini Bəxtiyar Nəcəfov bildirib ki, ümumilikdə hər şəxs 3 kq buğdanın pulunu fitrə zəkatı olaraq verməlidir:
“Fitrənin hesablanması yenə də əvvəlki qaydada olacaq. Yəni istifadə etdiyimiz buğda çörəyinin, çərəzlərin qiymətinə uyğun olaraq hesablama aparılacaq. 3 kq buğdanın pulunu bir nəfər verməlidir, bu da orta hesabla 3 manat edir. Daha çox isə (10-15 manat arası) kimin nəyə gücü çatırsa, fitrə verə bilər”.
