Bu gün, yanvarın 30-da Cəlilabaddan olan şəhid Səyyad Əliyar oğlu Ağahüseynlinin mövlud günüdür.
Səyyad Ağahüseynli 2002-ci ildə Qarazəncir kəndində anadan olub. Orta təhsilini başa vurduqdan sonra hərbi xidmətə yollanıb.
Vətən müharibəsi zamanı qəhrəmanlıqla vuruşan Səyyad düşmənin xeyli sayda canlı qüvvəsini və hərbi texnikasını məhv edib. O, bir sıra çətin əməliyyatlarda şəxsi cəsarətinə görə dəfələrlə seçilib. Buna görə də əsgər yoldaşları arasında böyük hörmət qazanıb.
20 oktyabr 2020-ci ildə Qubadlı istiqamətində gedən döyüşlərdə tapşırıq yerinə yetirdiyi zaman şəhid olub. 21 oktyabr tarixində Qarazəncir kəndində torpağa tapşırılıb.
Şəhidimiz ölümündən sonra “Vətən uğrunda”, “Cəsur döyüşçü”, “Cəbrayılın azad olunmasına görə” və “Qubadlının azad olunmasına görə” medalları ilə təltif edilib.
