Bu gün, 11 dekabr tarixində Vətən müharibəsi şəhidi Zaur Ağalının doğum günüdür.
Zaur Kamil oğlu Ağalı 1996-cı ildə Lənkəran rayonunun İstisu qəsəbəsində anadan olub. 2003-cü ildə R.Qurbanov adına İstisu qəsəbəsi orta məktəbinə daxil olub, 2014-ci ildə həmin məktəbi bitirib. 2015-ci ilin aprel ayında həqiqi hərbi xidmətə yollanıb, 2016-cı ilin oktyabr ayında xidməti başa vurub.
2020-ci il sentyabrın 27-də başlanan Vətən müharibəsi zamanı Cəbrayıl, Qubadlı döyüşləri və Zəngilanın azadlığı uğrunda gedən döyüşlərdə savaşıb. O, Qubadlı istiqamətində qəhrəmancasına vuruşaraq şəhid olub.
Zaur Ağalı oktyabrın 22-də yaşadığı qəsəbə qəbiristanlığında dəfn olunub.
Ailəli idi. Oğlan övladı Vətənə əmanət qalıb.
Ölümündən sonra “Vətən uğrunda”, “Cəbrayılın azad olunmasına görə” və “Qubadlının azad olunmasına görə” medalları ilə təltif olunub.
