Bu gün Cəlilabaddan olan şəhid Ülvi Alışovun doğum günüdür.
Ülvi İlham oğlu Alışov 2000-ci ildə yanvarın 11-i Cəlilabad rayonunun Həziabad kəndində anadan olub. Subay idi.
Azərbaycan Ordusunun çavuşu olan Ülvi Alışov Vətən müharibəsi zamanı Füzulinin azadlığı uğrunda gedən döyüşlərdə savaşıb. O, 29 sentyabr tarixində Füzuli döyüşləri zamanı şəhidlik zirvəsinə ucalıb.
Ölümündən sonra “Vətən uğrunda”, “Füzulinin azad olunmasına görə”, “Döyüşdə fərqlənməyə görə” medalları ilə təltif olunub.
