Astaradan olan şəhid Nail Orucovun ailəsi Astara Dövlət Rəsm Qalereyasının əməkdaşları tərəfindən ziyarət olunub. Bu haqda məlumatı Cenublu.az bu gün, 31 oktyabr tarixində verir.
Görüş zamanı şəhid ailələrinə, qazilərə dövlət tərəfindən göstərilən diqqət və qayğıdan bəhs edilib.
Qeyd edək ki, şəhid Vətən müharibəsi zamanı Cəbrayılın, Hadrut qəsəbəsinin, Füzulinin və Qubadlının azadlığı uğrunda gedən döyüşlərdə savaşıb. 31 oktyabr 2020-ci ildə Qubadlı döyüşləri zamanı şəhidlik zirvəsinə ucalıb.
Ölümündən sonra “Vətən uğrunda”, “Cəbrayılın azad olunmasına görə”, “Qubadlının azad olunmasına görə” medalları və “Azərbaycan Bayrağı” ordeni ilə təltif olunub.
