Bu gün, 22 noyabr tarixində Azərbaycan Silahlı Qüvvələrinin əsgəri, İkinci Qarabağ müharibəsinin şəhidi Niyaməddin Sultanzadənin dəfn olunduğu gündür.
Niyaməddin Sultanzadə 10 sentyabr 1998-ci ildə Masallı şəhərində anadan olub. 2005-2016-cı illərdə şəhər 1 saylı tam orta məktəbində təhsil alıb. Azərbaycan Dövlət Aqrar Universitetinin Aqronomluq fakültəsinin qiyabi 2-ci kurs tələbəsi idi. 10 oktyabr 2018-ci il tarixinindən 3 saylı Regional Sukanal İdarəsinin Masallı su kanal sahəsində xlorator su təmizləyici qurğularının operator peşəsi üzrə çalışıb. Subay idi.
Niyaməddin Sultanzadə 2016-2017-ci illərdə hərbi xidmətdə olub. O, İkinci Qarabağ müharibəsinə könüllü olaraq qoşulub, Cəbrayıl və Füzuli rayonlarında düşmən hücumunun qarşısının alınmasında şücaət göstərib, 6 noyabr 2020-ci il tarixində Qubadlı rayonu istiqamətində gedən döyüşlərdə qəhrəmancasına şəhid olub. Şəhid Niyaməddin Sultanzadə 22 noyabr 2020-ci il tarixində dəfn olunub.
Ölümündən sonra "Vətən uğrunda" medalı ilə təltif olunub.
