Bu gün, 8 mart tarixində Azərbaycan Silahlı Qüvvələrinin əsgəri, Vətən müharibəsi şəhidi Füzuli Həbibinin mövlud günüdür.
Füzuli Nizami oğlu Həbibi 1995-ci ildə Cəlilabad şəhərində anadan olub. 2012-ci ildə Cəlilabad şəhər 8 saylı məktəb-liseyi bitirib. 2013-cü ilin aprel ayında həqiqi hərbi xidmətə çağırılıb, 2014-cü ildə hərbi xidmətini başa vuraraq evinə dönüb. Nişanlı idi. Ailədə 3 qardaş idilər.
Vətən müharibəsi zamanı Füzuli Həbibi Cəbrayıl və Qubadlı döyüşlərində savaşıb. 4 noyabr 2020-ci ildə Qubadlı istiqamətində gedən döyüşlərdə qəhrəmancasına şəhid olub. Cəlilabadda dəfn edilib.
Ölümündən sonra "Vətən uğrunda", "Cəbrayılın azad olunmasına görə" və "Qubadlının azad olunmasına görə" medalları ilə təltif olunub.
