Bu gün, 19 sentyabr tarixində Azərbaycan Silahlı Qüvvələrinin əsgəri, İkinci Qarabağ müharibəsi şəhidi Famil Ağaşovun doğum günüdür.
Famil Ağaşov 1998-ci ildə Cəlilabad şəhərində anadan olub.
Şəhid 2017-ci il iyulun 28-də hərbi xidmətə göndərilib və 2019-cu ilin yanvar ayında evə buraxılıb.
O, müddətdən artıq xidmət etmək üçün 10 noyabr 2019-cu ildə yenidən xidmət etməyə yollanıb.
Famil Ağaşov Xocavənd rayonunun Üçtəpə deyilən ərazisində aparılan döyüşlər zamanı 8 noyabr 2020-ci ildə şəhidlik zirvəsinə ucalıb.
Ölümündən sonra “Vətən uğrunda”, "Füzulinin azad olunmasına görə" və "Xocavəndin azad olunmasına görə" medalları ilə təltif edilib.
