Bu gün, 5 oktyabr tarixində Azərbaycan Silahlı Qüvvələrinin baş giziri, İkinci Qarabağ müharibəsi şəhidi Elmir Nadir oğlu Məmmədovun doğum günüdür.
Elmir Məmmədov 1988-ci ildə Cəlilabad rayonunun Göytəpə şəhərində anadan olub.
O, 2016-cı ilin 2-5 aprel tarixlərində baş verən Aprel döyüşlərində savaşıb.
Qəhrəman 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanılan İkinci Qarabağ müharibəsi zamanı Cəbrayılın və Füzulinin azadlığı uğrunda gedən döyüşlərdə savaşıb.
Elmir Məmmədov sentyabrın 27-də Füzulinin azad edilməsi zamanı şəhidlik zirvəsinə ucalıb. Şəhid Cəlilabad rayonunda dəfn olunub.
Ölümündən sonra ”Vətən uğrunda”, "Cəbrayılın azad olunmasına görə" medalları ilə təltif olunub.
