Bu gün, 5 sentyabr tarixində Azərbaycan Silahlı Qüvvələrinin əsgəri, İkinci Qarabağ müharibəsi şəhidi Ayxan Cəfərovun mövlud günüdür.
Ayxan Cəfərov 1996-cı ildə Cəlilabad rayonunun Üçtəpə kəndində anadan olub.
Ayxan 2016-cı ildə aprel döyüşlərində iştirak edib. 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan İkinci Qarabağ müharibəsi zamanı Ayxan Cəfərli Cəbrayıl və Qubadlının azad edilməsi uğrunda savaşıb.
Füzulinin azad edilməsində snayper kimi iştirak edən Ayxan Cəfərov 15 oktyabr 2020-ci ildə düşmənlə üzbəüz döyüşdə qəhrəmancasına şəhid olub. İki gün sonra Cəlilabad rayonunun Üçtəpə kəndində dəfn edilib.
Ölümündən sonra “Vətən uğrunda”, "Cəbrayılın azad olunmasına görə" və "Cəsur döyüşçü" medalları ilə təltif edilib.
