Bu gün Masallıdan olan şəhid Aqil Məlikovun anım günüdür.
Aqil Məlikov 12 avqust 1990-cı ildə Böyük Xocavar kəndində anadan olub. O, 2010-cu ildə həqiqi hərbi xidmətini Naxçıvanda “N” saylı hərbi hissədə başa vurub. 2011-ci ildən isə Füzuli rayonunda yerləşən “N” saylı hərbi hissədə xidmətini davam etdirib.
Gizir Aqil Məlikov 2016-cı il noyabrın 15-də Azərbaycan-Ermənistan təmas xəttində ermənilərin atəşkəs rejimini pozması nəticəsində qəhrəmancasına şəhid olub. 16 noyabr tarixində doğulduğu Masallı rayonunun Böyük Xocavar kəndində dəfn edilib.
Aqil Məlikov ölümündən sonra göstərdiyi qəhrəmanlığına görə “Hərbi xidmətdə fərqlənməyə görə” III dərəcəli medalı ilə təltif olunub.
