Bu gün, 28 sentyabr tarixində Lənkəran Dövlət Dram Teatrının aparıcı səhnə ustası, Azərbaycan Respublikasının Xalq artisti Böyükxanım Əliyevanın doğum günüdür.
Böyükxanım Həsənbala qızı Əliyeva 28 sentyabr 1945-ci ildə anadan olub.
1969-73-cü illərdə Azərbaycan Dövlət İncəsənət İnstitutunun Dram və kino aktyorluğu fakültəsində ali təhsil alıb.
1973-cü ildə təyinatla Lənkəran Dövlət Dram Teatrında aktrisa vəzifəsində əmək fəaliyyətinə başlayıb. Ötən 50 illik müddət ərzində Xalq artisti 100-dən çox müxtəlif xarakterli rolda çıxış edib.O, səhnə fəaliyyətinə görə 1979-cu ildə Əməkdar artist, 2000-ci ildə isə Xalq artisti fəxri adlarına layiq görülüb. Böyükxanım Əliyeva dəfələrlə Azərbaycan Prezidentinin mükafatçısı olub.
