Bu gün, 9 dekabr tarixində Azərbaycan Silahlı Qüvvələrinin generalı, Üçüncü Ordu Korpusunun komandiri Fikrət Məmmədovun mövlud günüdür. Bu haqda məlumatı Cenublu.az bu gün, 9 noyabr tarixində verir.
Fikrət Məmmədov 9 dekabr 1961-ci ildə Lənkəran şəhərində anadan olub.
1993-cü ildən Azərbaycan Ordusunun tərkibində birbaşa cəbhəyə yollanıb və briqada komandiri təyin olunub. 1998-ci ilin mayında Fikrət Məmmədova general-mayor rütbəsi verilməklə o, Üçüncü Ordu Korpusunun komandiri vəzifəsinə təyinat alıb. Vətənin müdafiəsində göstərdiyi xidmətlərə görə "Qırmızı Ulduz", "Azərbaycan Bayrağı" orden və medalları ilə təltif olunub. General-mayor Fikrət Məmmədov 2002-ci il mayın 15-də xidməti vəzifəsini yerinə yetirərkən avtomobil qəzasında faciəli şəkildə həlak olub. II Fəxri xiyabanda dəfn olunub.
Qeyd edək ki, Lənkəranda şəhərin mərkəzi küçələrindən birinə Fikrət Məmmədovun adı verilib. Oxuduğu Lənkəran şəhər 4 nömrəli hümanitar təmayüllü məktəb-liseyində tunc büstü qoyulub, doğulduğu evə isə xatirə lövhəsi vurulub.
