Bu gün lənkəranlı şəhid Orxan Dadaşlı və cəlilabadlı şəhid Murad Bədirovun anadan olduqları gündür.
Dadaşlı Orxan Elxan oğlu 1997-ci ildə yanvarın 25-i Lənkəran rayon Darquba kəndində doğulub. O, 2002-ci ildə orta məktəbə gedib. 2013-2014-cü illərdə həqiqi hərbi xidmətdə olub.
Vətən müharibəsi zamanı Cəbrayılın, Qubadlının və Şuşanın azadlığı uğrunda gedən döyüşlərdə savaşıb. 9 noyabr tarixində Şuşa döyüşləri zamanı şəhidlik zirvəsinə ucalıb.
Ölümündən sonra “Vətən uğrunda”, “Cəbrayılın azad olunmasına görə” və “Qubadlının azad olunmasına görə” medalları ilə təltif olunub.
Murad Bədirov 2001-ci ildə yanvarın 25-i Cəlilabad rayonunun Kazımabad kəndində dünyaya göz açıb.
2020-ci ilin sentyabr ayında M.Bədirov MAXE hərbi qulluqçu kimi ordu sıralarında xidmətə başlayıb. 2020-ci il sentyabrın 27-də başlanan Vətən müharibəsində iştirak edib. Oktyabrın 29-da Ağdərə istiqamətində həlak olub.
Şəhid ölümündən sonra “Vətən uğrunda”, “Suqovuşanın azad olunmasına görə” və “Cəsur döyüşçü” medalları ilə təltif edilib.
