Bu gün, 29 noyabr tarixində Vətən müharibəsi şəhidi Taleh Əlizadənin mövlud günüdür.
Taleh Əlizadə 1995-ci ildə Cəlilabad rayonunun Alar kəndində anadan olub. Ailəli idi. 1 oğul övladı yadigar qalıb.
2020-ci il sentyabrın 27-də başlanan Vətən müharibəsi zamanı Cəbrayıl rayonunun azadlığı uğrunda gedən döyüşlərdə iştirak edib. Taleh Əlizadə oktyabrın 18-də Cəbrayıl döyüşləri zamanı şəhid olub.
Ölümündən sonra “Vətən uğrunda”, “Cəbrayılın azad olunmasına görə”, “Xocavəndin azad olunmasına görə”, “Füzulinin azad olunmasına görə” və “İgidliyə görə” medalları ilə təltif olunub.
