Bu gün Vətən müharibəsi şəhidi Elvin Tərlan oğlu Məmmədovun dünyaya göz açdığı gündür.
Daxili İşlər Nazirliyinin Daxili Qoşunlarının çavuşu olan Elvin Məmmədov 1992-ci ildə dekabrın 12-də Biləsuvar rayonunun Xırmandalı kəndində anadan olub.
2011-2012-ci illərdə Azərbaycan Silahlı Qüvvələrinin Sumqayıt şəhərində yerləşən “N” saylı hərbi hissəsində müddətli həqiqi hərbi xidmətdə olub, 2014-cü ildən etibarən isə Daxili Qoşunların müddətdən artıq həqiqi hərbi xidmət qulluqçusu kimi xidmət etməyə başlayıb. O, Vətən müharibəsi zamanı Cəbrayılın azadlığı uğrunda gedən döyüşlərdə iştirak edib. Oktyabrın 3-də bu istiqamətdə döyüş tapşırığını yerinə yetirərkən qəhrəmancasına şəhidlik zirvəsinə ucalıb.
Ölümündən sonra “Vətən uğrunda” və “Cəbrayılın azad olunmasına görə” medalları ilə təltif edilib.
