143 milyonluq yeyintidə ittiham edilən yüksək rütbəli zabitlərin bəzilərinin məhkəməsi başa çatıb. Onlar arasında biləsuvarlı general-mayor Nizami Məmmədov da var.
Qafqazinfo.az xəbər verir ki, Bakı Hərbi Məhkəməsinin hökmü ilə onun üzərinə həbs qoyulmuş milyonlarla qiymətləndirilən əmlakı müsadirə edilib.
Dövlətə dəymiş ziyanın əvəzi olaraq Nizami Məmmədovun aşağıda göstərilən əmlakları müsadirə edilib:
Bakı şəhərində ikisi eyni rayonda olmaqla üç mənzil;
Badamdar qəsəbəsində torpaq sahəsi;
Mərdəkan qəsəbəsində torpaq sahəsi;
Biləsuvar rayonunda torpaq sahəsi.
Qeyd edək ki, bu cinayətin üstü Dövlət Təhlükəsizliyi Xidməti (DTX) tərəfindən açılıb.
Dəymiş ziyanın 12 milyon 415 min 194 manatını Nizami Məmmədov ödəyib.
Üç gün əvvəl o, 11 il 6 ay müddətə azadlıqdan məhrum edilib.
