Narkotiklə bağlı tutulan mütəşəkkil dəstənin 2 üzvündən 26 kq narkotik vasitə müsadirə edilib.
Daxili İşlər Nazirliyindən Cenublu.az-a verilən məlumata görə, əvvəllər məhkum olunmuş Rüfət Əhmədov və Abbas Məlikov saxlanılıblar.
Onlardan ümumilikdə 26 kiloqram heroin və tərkibi psixotrop maddələrlə zənginləşdirilən marixuana aşkarlanıb. Saxlanılan şəxslər narkotik vasitələri şəxsiyyəti istintaqla araşdırılan İran vətəndaşları vasitəsilə Biləsuvar rayonu, eləcə də paytaxt ərazisində müxtəlif ünvanlardan, əvvəlcədən müəyyənləşdirilmiş yerlərdən götürərək maddi qazanc müqabilində ayrı-ayrı şəxslərə çatdırmağı planlaşdırıblar. Saxlanılanların hər biri ölkədə narkotik vasitələrin əsas tədarükçülərindən olublar.
Faktlarla bağlı cinayət işləri başlanılıb. Saxlanılan şəxslər barəsində həbs qətimkan tədbirləri seçilib.
