Biləsuvarda ov tüfəngindən açılan atəş nəticəsində 34 yaşlı kişi ölüb.
Cenublu.az xəbər verir ki, hadisə rayonunun Ağalıkənd kəndində baş verib. Kənd sakini, 34 yaşlı Mətləb Əhmədov yaşadığı evdə ov tüfəngindən açılan atəş nəticəsində vəfat edib. İlkin olaraq hadisənin ehtiyatsızlıq nəticəsində baş verdiyi bildirilsə də, sonra məlum olub ki, o, özünə atəş açaraq intihar edib.
Mətləb intihar edəcəyini əvvəlcədən yaxınlarına telefon vasitəsi ilə çatdırıb. Yaxınlarının verdiyi məlumata görə, son vaxtlarda onların ailəsində daxili münaqişələr olurdu və o, bu səbəbdən psixoloji sarsıntılar keçirib. Hadisədən bir neçə dəqiqə əvvəl növbəti ailədaxili münaqişə sonrası spirtli içki qəbul edib və yaxınlarına zəng edib, hamıdan halallıq istəyib. Bundan sonra o, həyatına son qoyub.
Meyit daxili və xarici müayinə olunması üçün Biləsuvar rayon Məhkəmə Tibbi Ekspertizasına təhvil verilib.
Hadisənin təfərrüatları rayon prokurorluğu tərəfindən araşdırılır.
***
Biləsuvarda ov tüfəngindən açılan atəş nəticəsində 34 yaşlı kişi ölüb.
Cenublu.az-ın verdiyi məlumata görə, hadisə Ağalıkənd kəndində qeydə alınıb. Kənd sakini, 34 yaşlı Mətləb Nəhmədov yaşadıqları evdə ov tüfəngindən açılan atəş nəticəsində hadisə yerində ölüb.
İlkin olaraq, onun ölümünə səbəb ov tüfəngi ilə ehtiyatsız davranması bildirir.
Hal-hazırda hüquq mühavizə orqanlarının əməkdaşları hadisə yerində araşdırma aparır.
