2023-cü ilin sentyabrında Qarabağda antiterror əməliyyatı zamanı şəhid olan biləsuvarlı Azər Məmmədovun bacısı dünyasını dəyişib.
Unikal.az xəbər verir ki, şəhid bacısı Günay Məmmədova xərçəng xəstəliyindən əziyyət çəkirdi.
Qeyd edək ki, Azərbaycan Respublikası Daxili Qoşunlarının müddətdən artıq həqiqi hərbi qulluqçusu Məmmədov Azər Sulduz oğlu 9 yanvar 1990-cı ildə Biləsuvar şəhərində anadan olub.
19 sentyabr 2023-cü il tarixində Azərbaycan Respublikasının Silahlı Qüvvələri tərəfindən Qarabağda aparılan antiterror tədbirləri zamanı qəhrəmancasına şəhid olub.
Ölümündən sonra 3-cü dərəcəli “Vətənə xidmətə görə” ordeni və "Vətən uğrunda" medalı ilə təltif edilib.
Şəhidin 1 oğul və 1 qız övladı dövlətimizə əmanətdir.
