Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı Biləsuvar rayonunun inzibati ərazisində ov qaydalarını pozan şəxslər saxlanılıb.
Cenublu.az Xidmətə istinadən xəbər verir ki, araşdırma zamanı həmin şəxslərin Birləşmiş Ərəb Əmirliyi vətəndaşları Alı Mohammed Alı Yahmoor Al Shehhı, Ahmed Zaid Qudoor Mohammed Alshehhi, Sultan Zaid Qdoor Mohammed Alshehhi, Qudoor Zaid Qudoor Mohammed Alshehhi və Oman vətəndaşı Al Shehhi Saif Ahmed Said olduğu müəyyən edilib. Onlardan 5 ədəd ov silahı, 125 ədəd patron, 1 baş dovşan aşkar edilərək maddi sübut kimi götürülüb.
Faktla bağlı qanun pozucuları barəsində protokol tərtib edilib və qanunamüvafiq tədbir görülüb.
