Biləsuvarda məktəbli qıza qarşı zorakılıq edilib.
Cenublu.az-ın əldə etdiyi məlumata görə, hadisənin istintaqı Lənkəran Ağır Cinayətlər Məhkəməsində keçirilib.
Təqsirləndirilən Sahib Əfəndiyev (ad şərtidir) 2003-cü ildə Biləsuvar şəhərində anadan olub. O, 15 yaşlı zərərçəkmiş Aygül Quliyevaya (ad şərtidir) qarşı seksual hərəkətlər edib. Belə ki, ötən ilin mart ayında 4 dəfə Aygüllə qeyri-təbii yolla cinsi əlaqədə olub.
Nəticədə Sahib Əfəndiyev Azərbaycan Respublikası CM-nin 152.4.1-ci maddəsi ilə təqsirləndirilib.
Məhkəmədə təqsirləndirilən şəxs qismində dindirilən S.Əfəndiyev ona qarşı irəli sürülən ittiham üzrə özünü qismən təqsirli bilərək ifadə verməkdən imtina edib. Onun istintaqdakı ifadəsi elan edilib:
“Hadisədən 9 ay əvvəl Aygüllə sevgili olduq. Onunla Biləsuvar şəhəri, H.Əliyev küçəsində yerləşən İcra Hakimiyyətinin qarşısında olan parkda tanış olub və “Instagram” vasitəsi ilə mesajlaşaraq əlaqə saxlayırdıq. Bir gün Aygülü hazırlıqdan götürəndə mənimlə birlikdə yaşadığım evə gəlməsini təklif elədim, o da razılaşdı. Evdə olan zaman Aygülə “biz onsuz gələcəkdə evlənəcəyik, gəl indidən cinsi əlaqədə olaq” deyə fikir bildirdikdə, razılıq verdi. Beləliklə, fərqli günlərdə 4 dəfə onun razılığı ilə cinsi əlaqədə olduq.
Daha sonra Aygül hazırlığı dayandırdığı üçün evdən çölə çıxa bilmədi. Sonuncu dəfə onun dəvəti ilə yaşadığı evə getdim. Söhbət edən zaman qızın anası içəri daxil oldu. Əslində həmin gün getmək istəmirdim. Aygül məcbur etdiyi üçün getdim”.
Daha sonra zərərçəkmiş Aygül Quliyeva ifadə verib:
“Bir gün küçədə Sahib mənə yaxınlaşıb tanış olmaq istədiyini dedi. Mən də təklifinə razılıq verib, sosial şəbəkə hesabımı dedim. Onunla “Instagram”da yazışmağa başladıq. Hazırlıq vaxtlarımı bildiyi üçün hər dəfə mənimlə gəlib-gedirdi. Mənə sevdiyini və gələcəkdə ailə quracağımızı deyib inandırmışdı. Daha sonra məni yaşadığı evə aparıb cinsi münasibətdə olmağı təklif etdi. Mən də razılaşdım. Hər dəfə görüşəndə Sahib mənə qarşı əxlaqsız hərəkətlər edib, qeyri-təbii yolla cinsi münasibətdə olmuşuq. Ondan şikayətçiyəm, cəza verilməsini xahiş edirəm".
Məhkəmədə aparılan istintaq və tərəflərin çıxışları ilə Sahib Əfəndiyev cinayət üzrə təqsirli bilinib.
Məhkəmənin qərarı ilə o, 7 il müddətində azadlıqdan məhrum edilib.
Fidan İlqar
