Ötən gün Biləsuvar Rayon Mərkəzi Xəstəxanasında dünyasını dəyişən 4 yaşlı N. Əliyeva ilə bağlı TƏBİB açıqlama verib.
Cenublu.az-ın sorğusuna cavab olaraq bildirilib ki, noyabrın 10-u saat 17:30 radələrində 2020-ci il təvəllüdlü azyaşlı (qadın cinsli) Biləsuvar Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya edilib.
Ona ürək və tənəffüs çatmamazlığı diaqnozu qoyulub.
Reanimasiya şöbəsinə yerləşdirilən azyaşlıya zəruri tibbi müdaxilələrə və həkimlərin çoxsaylı səylərinə baxmayaraq, ölüm faktı qeydə alınıb.
Meyit təşrih olunması üçün aidiyyəti üzrə təhvil verilib.
Qeyd edək ki, hadisə dünən rayonuun Xırmandalı kəndində baş verib.
Belə ki, kənd sakini, 2020-ci il təvəllüdlü N. Əliyevanın qəflətən halının pisləşməsini görən valideynləri uşağı rayon xəstəxanasına çatdırıb.
Lakin həkimlərin səylərinə baxmayaraq, azyaşlının həyatını xilas etmək mümkün olmayıb.
